Kryeministri i Kosovës, Avdullah Hoti, ka udhëtuar sot drejt Francës.

Ai ka marrë ftesë për të qenë në Pallatin Elyese të Parisit, para samitit të së premtes që do të mbahet me Presidentin e Francës, Emmanuel Macron dhe Kancelaren e Gjermanisë, Angela Merkel.

“Kryeministri i Qeverisë së Republikës së Kosovës, Shkëlqesia e tij Avdullah Hoti do të udhëtojë sot për në Paris, ku nesër, më 7 korrik 2020, do të takohet me Presidentin e Republikës së Francës, Shkëlqesinë e tij Emmanuel Macron”, thuhet në kumtesë.

“Pritja zyrtare që bëhet enkas për kryeministrin e Republikës së Kosovës në Pallatin Elize (Palais de l’Elysée) në Paris, Pallati presidencial i Francës, tregon kujdesin dhe përkushtimin e Presidentit Macron ndaj Kosovës dhe të ardhmes së saj euroatlantike”.